KNCHR Yaangazia Utendaji Usio wa Kitaalamu wa Maafisa wa IEBC Katika Uchaguzi wa Agosti 9

Tume ya Kitaifa ya Haki za Kibinadamu ya Kenya (KNCHR) imedokeza kutokuwa na weledi miongoni mwa baadhi ya maafisa wa Tume Huru ya Uchaguzi na Mipaka (IEBC) katika Uchaguzi Mkuu wa Agosti 9.

Katika ripoti yake ya tathmini ya uchaguzi huo, tume hiyo ilisema ilirekodi visa 28 vya ubovu wa uchaguzi wakati wa upigaji kura, kuanzia kutoa karatasi zaidi ya moja kwa wapiga kura, hadi kula njama na wanasiasa wakati wa upigaji kura.

Mwenyekiti wa KNCHR Roseline Odede alisema maafisa wasio wa uchaguzi katika baadhi ya visa walipatikana na vifaa vya uchaguzi.

Wakati uo huo, tume hiyo ilisema vituo 45 havikubandika matokeo ya uchaguzi inavyotakiwa na sheria, na pia ikafichua kuwa ilirekodi visa 22 vya uharibifu wa mali kinyume cha sheria katika kaunti za Nairobi, Murang'a, Trans Nzoia, Siaya na Isiolo. .

Hata hivyo, KNCHR ilibaini visa vya ghasia vilivyowalenga maafisa wa IEBC ambavyo ilikashifu na kutoa changamoto kwa mamlaka kuchunguza na kufuata hadi kukamilika.

Tume hiyo wakati huohuo ilibainisha visa vya matumizi mabaya ya uhuru wa kujieleza, hasa kwenye majukwaa ya mtandaoni kupitia akaunti za uwongo na watu walioajiriwa kueneza matamshi ya chuki na propaganda.